姆明化身圣诞树 免费玩全景selfie
分类：世界频道
/ 时间：2020-07-02 / 作者：
圣诞树就见得多喇，姆明咁嘅样嘅圣诞树，你又见过未？今次姆明带晒一家大细嚟到旺角呢个商场，亚美、史力奇、树精全部都嚟晒，仲引入咗超远镜头，等大家可以同姆明一族玩全景自拍，最重要嘅係，免费㗎！
远处橙色嗰个就係镜头喇～ 
指住嗰粒蚁仔就係记者同摄影师喇～ 
只要一坐上船，两旁嘅树精们就会着灯㗎喇 
两位亚美世纪合照～
呢棵巨型姆明圣诞树绝对係推介影相位，上面嘅灯仲识转色嘅添！只要行去佢身旁嘅指定位置，灯饰就会由黄色变成紫色。姆明已经少见，今次仲要有佢嘅圣诞树，真係唔影多几张相都对唔住自己呀！
今次商场引入咗自拍Cam，镜头设于3层楼之上，影出嚟嘅相有2,200万像素，放大嚟睇依然睇得清五官！
影完之后，张相会send返去你email。不过记者就觉得，似乎平面影出嚟效果比较靓，所以呢个全景自拍，都係贪得意玩吓就好，要影靓相都係建议就咁影～
除咗必影嘅姆明之外，仲有好多影相位！亚美、史力奇、歌妮、树精全部有齐！
呢间期间限定嘅pop-up store都算几多嘢卖，而且仲有唔少由日本同芬兰空运到港嘅独家product，得呢度有得卖㗎咋！
除咗影吓相买吓嘢之外，仲可以去L3层油吓颜色！姆明化身成巨型壁画，等大家填吓色治癒吓。不过记者拎住颜色笔想填嘅时候，突然惊觉姆明係白色，唔知到点填好，咁就唯有帮佢画只红眼睛，等佢幽幽的看着这孤城啦～
姆明圣诞「森」度游
地址：旺角新世纪广场MTR楼层中庭
日期：即日起至
时间：12pm-10pm
相关文章